راوێژکارێکی سەرۆک وەزیرانی عێراق دڵێت، گەندەڵی هۆکاری خراپی دۆخی کارەبای عێراق.
فادی شەمەری راوێژکاری سەرۆک وەزیرانی عێراق راشیگەیاند، دۆخی کارەبا دۆخێکی چەقبەستووە لە عێراقدا، چونکە سیستەمی دابەشکردن و گواستنەوەی وزەی کارەبا لە عێراقدا لەساڵی دوو هەزارەوە ماوەکەی بەسەرچووە.
فادی شەمەری هەروهها دەڵێت، نزیکەی ١١ ملیار دۆلار بۆ دابینکردن و گواستنەوەی وزەی کارەبا لە عێراقدا بەفیڕۆدراوە.
ئەم راوێژکارەی سەرۆک وەزیرانی عێراق جەختی لەوەشکردەوە، نە ئێران و نە ئەمریکا هۆکاری خراپی دۆخی کارەبای عێراق نین، بەڵکو گەندەڵی هۆکاری ئەم دۆخەیە.
