هاوپەیمانی بەڕێوەبردنی دەوڵەت کە لەهێزە پێکهێنەرەکانی حکومەتەکەی محەمەد شیاع سوودانی پێکهاتووە راگەیەندراوێکیان سەبارەت بە سەردانی سەرۆک وەزیرانی عێراق بۆ ئەمریکا بڵاوکردەوە.
لەم ڕاگەیەنداوەدا دەڵێن، بە ئەرێنییەوە لە دەرئەنجامەکانی سەردانەکە دەڕوانن و پشتیوانی تەواوی شاندی عێراق بۆ خزمەتکردنی بەرژەوەندییەکانی وڵات دەکەن.
هاوپەیمانیی بەڕێوەبردنی دەوڵەت دەشڵێت، هیوادارن سەردانەکەی سوودانی ببێتە فاکتەری چالاککردنەوەی رێککەوتنی ستراتیژی و هۆکارێک بێت بۆ بەهێزکردنی متمانە و رێزگرتن لە سەروەریی یەکتر.
