بەپێی بەڵگەنامەیەک کە بڵاوکراوەتەوە، بەڕێوەبەرایەتی لێکۆڵینەوەی ڕەسافە جەختی لەسەر نووسراوێکی پێشووتر کردووەتەوە بۆ بەردەوامبوون لە ڕێکارەکانی لێکۆڵینەوەی کارگێڕی تایبەت بەو سەرپێچیانەی لە گرێبەستی نێوان هێڵی ئاسمانیی عێراقی و کۆمپانیای “الوتين”دا کراون.
گرێبەستەکە تایبەت بووە بە هێنانی کارمەندانی خزمەتگوزاری ناو فڕۆکە بە بڕی دوو ملیۆن دیناری عێراقی.
بەڵگەنامەکە ئاشکرای کردووە کە گومانەکان تەنها لەسەر جۆری گرێبەستەکە نین، بەڵکو بەشێکی تری سەرپێچییەکان پەیوەندی بە ساختەکارییەوە هەیە. تێیدا هاتووە کە نوسینگەی “مێریدیان” و نوسینگەی سەرەکی، بە هاوبەشی لەگەڵ چەند فەرمانبەرێکی ناو کۆمپانیای هێڵە ئاسمانییەکان، هەستاون بە بڕین و ڕێکخستنی تیکتی گەشتی وەهمی (شۆفێری یان گەشتی ناڕاستەقینە) بۆ کرێکارانی بیانی.
دەستەی دەسپاکی لە ئێستادا بەدواداچوونی چڕ بۆ بەڵگەکان دەکات تاوەکو قەبارەی تەواوی بەهەدەردانی پارهی گشتی و ناسنامەی ئەو فەرمانبەرانە دیاری بکات کە تێوەگلاون لەم دۆسیەیەدا.