دوای دوو رۆژ لە مانەوەی لە نەخۆشخانە، ئافرەتێک لە سنووری قەزای بەردەڕەش بەهۆی جەڵتەوە گیانی لەدەستدا، ئەوەش دوای ئەوەی لە داخی کوژرانی براکەی تێکچوونی باری تەندروستی تووشی ببوو.
پێش دوو رۆژ بەهۆی کێشەیەکی زەویوزارەوە لە کۆمەڵگەی بەنێنانی سەر بە قەزای بەردەڕەش، شەڕەتەقە لەنێوان دوو بنەماڵەدا روویدا. لە ئەنجامی شەڕەکەدا هاووڵاتییەک بە ناوی (هاوار سەعید ساڵح) کوژرا.
لەگەڵ بیستنی هەواڵی کوژرانی براکەی، (پەروین سەعید ساڵح) خوشکی هاوار، بەهۆی خەم و داخی زۆرەوە تووشی جەڵتە بوو. دوای ڕەوانەکردنی بۆ نەخۆشخانە و مانەوەی بۆ پێنجژمێر و دوو رۆژ لەژێر چاودێریی پزیشکیدا، بەرەبەیانی ئەمڕۆ گیانی لەدەستدا.