دهست بهسهر بڕێكی زۆری دۆلاری ساخته دادهگیرێت شوبات 13, 2024 بەڕێوەبەرایەتیی ئاسایشی گشتیی پارێزگای دهۆک دوو کەسی دەستگیرکرد، کە بڕی پێنج هەزار دۆلاری ئەمەریکی ساختەیان پێ بووە. ئەمڕۆ سێشەممە، 13-02-2024، بەڕێوەبەرایەتیی ئاسایشی گشتیی پارێزگای دهۆک راگەیەندراوێکی بڵاوکردەوەو تێیدا هاتووە، تیمەکانیان لە ئۆپەراسیۆنێکدا دوو کەسیان دەستگیرکردووە ،کە بڕی پێنج هەزار دۆلاری ئەمەریکیی ساختەیان پێ بووە و بۆ قومارکردن بەکاریان هێناوە. لە راگەیەندراوەکەدا ئاماژە بەوەشکراوە، هەردوو تۆمەتبارەکە، وەکو ئەوەی، بە گوێرەی ماددەی 281 لە یاسای سزادان، رەوانەی دادگا کراون و لێپێچینەوەی یاساییان لەگەڵدا دەکرێت. بەڕێوەبەرایەتیی ئاسایشی گشتیی پارێزگای دهۆک داوا لە هاووڵاتییان دەکات هەر کاتێک گومانیان لە بوونی کارێکی ساختەکاری کرد، دەستبەجێ پەیوەندی بە ژمارە (106)ـی بەڕێوەبەرایەتییەکەیان بکەن.
