شەش ئەندامی ئەنجومەنی شارەوانیی سەردەشت لە خۆرهەڵاتی کوردستان ٣٢ هەزار دۆلار بەرتیلیان وەرگرتووە.
بە پێی ڕاگەیاندنی سەرۆکی داواکاری گشتیی ورمێ، بە تۆمەتی وەرگرتنی بەرتیل بە بڕی ٣٢ هەزار دۆلار، تۆمەتنامە بۆ شەش ئەندامی ئەنجومەنی شاری سەردەشت دەرچووە.
بەپێی ڕاپۆرتی ماڵپەڕی چاوەدێریی ئێران، ناسر عەتباتی، داواکاری گشتیی ورمێ ڕایگەیاندووە، لە مانگی ئایاری ئەمساڵەوە پرسی بەرتیلدانی ٩ تۆمەتبار کە ٦ کەسیان ئەندامی ئەنجومەنی شاری سەردەشتن، بەدواداچوونی بۆ دەکرێت.
لە بەدواداچوونە سەرەتاییەکان لە سەردەشت، دەرکەوتووە شەش ئەندامی ئەنجومەنی شارەوانیی ئەم شارە بە گشتی ٣٢ هەزار دۆلار بەرتیلیان لە سێ تۆمەتبارەکەی دیکە وەرگرتووە و بە پێی ڕاپۆرتی دەسەڵاتی ئەمنی، ئێستا دۆسیەکە ڕەوانەی دادگای تاوانەکان دەکرێت.
هەواڵی پێشوو