ڕێکەوتی ٢٠٢٤/٦/٣٠، لە کاتژمێر ٩ شەو، لەلایەن، بەشی ئاسایشی قەزای خەلیفان کەسێک دەستگیر کرا کە بە ئەسڵ خەڵکی وڵاتی ئێرانە و نزیکەی ٢٠ ساڵە لە هەرێمی کوردستان دەژیت. ئەم کەسە خۆی بە شێخ ناساندوە و لە ڕێگەی دووعاوە چارەسەری نەخۆشییە دەروونییەکان و جەڵتەی دڵ و مێشک و گەدە و گورچیلە و هۆرمۆنی جەستە دەکات بە تایبەتی درێژکردنی باڵا .
بەڵام دوای لێکۆڵینەوە دەرکەوت کەسێکی جادووگەرە ، و لە ڕێگەی فێڵکردنەوە پارەی لە خەڵک وەرگرتووە ،بە ناوی چارەسەرکردنی نەخۆشیە دەروونییەکان پەیوەندی نزیکی لەگەڵ چەندین ئافرەت دروستکردووە و بڕی ٥٠٠ دۆلار لە چەندین کەس وەرگرتووە بۆ درێژکردنی باڵایان. لە ناو مۆبایلەکەیەوە چەندین وێنەی ئافرەت هەبوو.
لە ئێستادا تۆمەتبار (ح.ڕ.د)بە پێی مادەی ٤٥٦ لە یاسای سزادانی عێراقی ڕاگیراوە و لێکۆڵینەوە لەگەلی بەردەوامە.
داوا لە هاولاتیان دەکەین لە هەر شوێنێک لەم جۆرە کەسانە یان بینی ،ئاگادارمان بکەنەوە ،چونکە کارەکەیان هیچ بنەمایەکی نییە.
٢ی٧ی٢٠٢٤
