وتەبێژی بەڕێوەبەرایەتیی پۆلیسی سۆران ڕایگەیاند، کە هەڵمەتی دەستبەسەر داگرتنی چەكی نایاسایی و بێ مۆڵەت لە سنوورەكەمان بەردەوامی هەیە، هەركەس چەكی بێ مۆڵەت هەڵبگرێت و تۆماری نەكردبێت، دەست بەسەر چەكەكەی دادەگیرێت.
شەماڵ دێواری، وتەبێژی بەڕێوەبەرایەتیی پۆلیسی سۆران، بە ئاژانسی ھەواڵی زاگرۆسی ڕاگەیاند: هەڵمەتی دەستبەسەر داگرتنی چەكی نایاسایی و بێ مۆڵەت لە سنوورەكەمان بەردەوامی هەیە، هەركەس چەكی بێ مۆڵەت هەڵبگرێت و تۆماری نەكردبێت، دەست بەسەر چەكەكەی دادەگیرێت و خاوەكەشی ڕووبەڕووی یاسایی دەكرێتەوە.
هەروەها شەماڵ دێواری، وتەبێژی بەڕێوەبەرایەتیی پۆلیسی سۆران ئەوەشی بۆ ئاژانسی ھەواڵی زاگرۆس خستەروو، کە ئەوانەی كە چەكیان پێیە هێزە ئەمنییەكان و پێشمەرگەن، چەكەكانیان هی حكوومەتەو تۆمار كراوە، ئەوانەی دیكەش دەبێت مۆڵەتیان وەرگرتبێت.
رێباز یونس