بەربژێرەکا پارتی رادگەهینیت:جێبەجێکرنا بەرنامە و ئەجێندایێ لیستا 190 یاپارتی دیموکراتی کوردستان دێ ژ بابەتێن مەیێ سەرەکی بیتن.
ئاخچین جبرائیل صالح دۆسكی بەربژێرا هەژمارە 36 لسەر لیستا 190 یا پارتی دیموکراتی کوردستان ل بازنێ دهۆک بو ئاژانسا هەواڵی زاگرۆس دیارکر، بشێوەیەکی گشتی دەڤەرامە یا دەولەمندە ب چاندن و کشتوکالێ و ژلایێ گەشتوگوزاریڤە سیمایەکێ جوان یێت دەڤەرێدا هەی دێ لسەر ڤی پروژی کارکەم و بەرەڤ پێشتربەم داکو دەلیڤێن زێدەتر بو گەنج و ئافرەتێن دەڤەرێ دروستبکەم.
ناڤبری گوتژی ، دێکارکەم بۆ بدەستڤەئینانا هەمی مافێن خەلکێ دەڤەرێ و کار لسەر ڤەکرنا رێکێن گوندێن دەڤەرێ کو چەندین ساڵە خەلکێمە یێت بێبەشبوین ژ گوند و وارێن خو ژبەرڤی شەرێ ڤێگاڤێ دناڤبەرا چەکدارێن پەکەکە و سوپایی تورکیا دروستبوی.
ناڤهاتی خویاکر، کو جێبەجێکرنا بەرنامە و ئەجێندایێ لیستا 190 یاپارتی دیموکراتی کوردستان دێ ژ بابەتێن مە یێ سەرەکی بیتن چونکی هەمی خال و بەرنامە و پەیرەوێ پارتی ئەون یێ خزمەتا خەلکێ هەرێما کوردستانێ دکەتن.
هەروەسا ئاخچین دۆسکی گوتژی، پاراستنا هەمی ماف و پێگەهێن ئافرەتا و زاروکا دێ ژخالێن گرنگ یێن سەرەکی بیتن، و بتایبەتیژی پێشڤەبرنا کەرتێ پەروەردێ و کەرتێ ساخلەمیێ.
ئاخچین جبرائیل بەربژێرا هژمارە 36 یا پارتی دبێژیت، پەیامامن بو خەلکێ پارێزگەها دهۆکێ و لروژا هەلبژارتنان خو بێبەش نەکەن ژ دەنگدانێ و هەروەسا خو بێبەش نەکەن ژوێ لیستا دەستکەفتێن ئەڤڕۆ بدەستڤەئیناین و کاردکەت بو بدەستڤەئینانا دەستکەفتێن سبەهی و لیستا 190 یا بەرخودان و شەهیدان و لیستا ئارامی و ئاڤەدانیێ و پێکڤەیی و خوڕاگریێیە.