لە پێناو فەراهەمکردنی کەشێکی لە بار بۆ هاتووچۆی پیادە و پاکڕاگرتنی ژینگە و سەلامەتی گشتیی و کەمکردنەوەی قەرەباڵغی و جەنجاڵی لە نێو بازاڕ و سەنتەری شار، کە لە ڕۆژانی هەینی ژمارەیەكی زۆر هاووڵاتییان و گەشتیاران سەردانی سەنتەری شاری هەولێر بەتایبەتی بازاری شێخەڵڵا و پاركی نافوورەی بەردەم قەڵات دەكەن و پیادە ڕۆ و ئۆتۆمبیل تێكەڵ بەیەك دەبن لە شەقامدا، ئەمەش بە بەردەوامی دەبێتە هۆكاری خنكانی شەقامەكە و دروست بوونی جەنجاڵی و سیمایەكی ناشیرن بە شەقامەكانی ناو بازار دەبەخشێت.
لەلایەن بەڕێوەبەرایەتی هاتووچۆی هەولێر لە ڕۆژانی هەینی هاتووچۆكردنی ئۆتۆمبێل لە کاتژمێر (1)ـی نیوەڕۆ تا (8)ـی ئێوارە لەناو بازاڕ قەدەغە دەکرێت و هاتووچۆ تەنها بۆ پیادە دەبێت، پاشان هاتوچۆی ئۆتۆمبێل بۆ ناو سەنتەری شار و بازاڕ ئاسایی دەبێتەوە.
پارێزگای هەولێر
2024.12.20