ئەمڕۆ ( د. سامان بەرزنجی ) وەزیری تەندروستی بە ئامادەبوونی بەڕێزان ڕاوێژکار و بەڕێوەبەرانی گشتی تەندروستی هەولێر و دهۆک پێشوازیکرد لە بەڕێز (د. دلشاد علی عبدالله) بەڕێوەبەری گشتی تەندروستی موسڵ، وێڕای پیرۆزبایی دەستبەکاربوونی بەڕێزیان و هیوای سەرکەوتن، گفتوگۆی کار و هەماهەنگی لەگەڵ فەرمانگەکانی هەرێمی کوردستان کرا لەپێناو خزمەتگوزاری تەندروستی بۆ هاوڵاتیان و پەنابەران و ئاوارەکان.
بەڕێزیان سوپاسی وەزارەتی تەندروستی حکومەتی هەرێمی کوردستانی کرد بۆ بەردەوام پێشکەشکردنی خزمەتگوزاری تەندروستی بە ئاوارە و پەناهەندەکان و هاوڵاتیانی پارێزگای نەینەوا، هیوای هەماهەنگی زیاتری خواست لەپێناو کاروباری مرۆفدۆستانەدا، بەڕێز وەزیری تەندروستی پاڵپشتی و هاوکاری حکومەتی هەرێمی کوردستانی دووپاتکردەوە و بەڵێنی دا بۆ هەماهەنگی زیاتری داهاتوو لە نێوان دامودەزگاکانی تەندروستی هەرێم و نەخۆشخانەکانی پارێزگای موسڵ.