خەلکێ خوە یێ هێژا ئاگەهدار دکەین کو جهێ داخ و دلگرانییا مەیە چەندین کاتژمێرن کێشەیەکا تەکنیکی ل دەروازەیێ خابور یا وەلاتێ تورکیایێ ژبو وان گەشتیاران چێبوویە ئەوێن بەرەف هەرێما کوردستانێڤە دهاتن، خەلكێ خوە یێ هێژا ئاگەهدار دکەین کو سەرپەرشتێ کومەلگەهێ دگەل دەسپێکا چێبوونا ئەڤێ کێشەیێ ب خەمخوری و جدی و بەردەوامی دگەل لایەن و دام و دەزگەهێن پەیوەندیدارێن تورکیا ددانوستاندن و هەماهەنگیێدا بوویە ژبو چارەسەرکرنا ئەڤێ کێشەیێ، ئەوان ژی هەمی بزاڤ کرینە کو ب زویترین دەم کێشە بهێتە چارەسەر کرن، ل دویف گوتنا لایەنێن پەیوەندیدارێن تورکیایێ خوشبەختانە ئەڤ کێشەیە یێ هاتیە چارەسەر کرن، و دنوکەدا ڕێک ڤەبوویەو دچەند دەمژمێرێن داهاتیدا ئەو ترافیکا کو ژبەر ڤێ کێشەیێ چێبووی دێ بەرەف کێم بوون چیت و هاتنا گەشتیاران دێ ب تەمامی ئاسایی بیتەڤە.
تێبینی / ئەڤێ کێشەیێ چ کاریگەری ل ئالوگوریین بازرگانی نەکرینە.
پەیوەندی و راگەهاندنا دەروازەیێ نیڤدەولەتیێ ئیبراهیم خەلیل
٧ لسەر ٨ کانوونا دوویێ ٢٠٢٥ێ