دبەردەوامیا هەوا قەرەبووکرنا زیانڤێکەفتیێن لەهیێن باژێرێ دهۆکێ ژلایێ حکومەتا هەرێما کوردستانێ، ئەڤرۆ رۆژا سێشەمبی رێکەفتی ٢٦ی ئادارا ٢٠٢٤ێ بەرێز “د.عەلی تەتەر” پارێزگارێ دهۆکێ پێشوازیا بەرێز “موسا ئەحمەد” سەرۆکێ دەزگایێ خێرخازیێ بارزانی یێ نیڤدەولەتی و شاندەکێ بەنکا FIB کرن و دهەڤدیتنەکێدا باس ل پشکداریا بانکا ناڤبری و هەوا راگەهاندنا تورا میدیایی یا وار تیڤی و ئەو داهاتێ بۆ زیانڤێکەفتیان هاتیە کۆمکرن هاتەکرن و بریارهاتەدان هەر ئەڤرۆ بەشەکێ دی قەرەبوویا بگەهیت.
دکۆنگرەکێ رۆژنامەڤانیدا پارێزگارێ دهۆکێ سۆپاسیا دەزگایێ خێرخازیێ بارزانی یێ نیڤدەولەتی و بانکا FIB و تورا میدیایی یا وار کرن کو کوژمێ ملیارەک و چارسەدوپێنجی و شەش ملیۆن دیناران رادەستی لژنا بلندا قەرەبووکرنا زیانڤێکەفتیان کرین و دۆپاتکر دێ دڤان دوو رۆژێن بهێتدا هەمی مال هێنە قەرەبووکرن.