وتەبێژی بەرێوبەرایەتی پۆلیسی ئیدارەی سەربەخۆی سۆران رایگەیاند، کە دەمەقالێ لەنێوان چەند گەنجێک دروست بوو لەسەر کێشەیەکی بچووک کە بووە هۆی کوژرانی هاولاتیەک، دوای لێکۆلێنەوەو بەدواداچوون توانیان بکوژ دەسگیربکەن.
شیماڵ دیوالی، وتەبێژی بەرێوبەرایەتی پۆلیسی ئیدارەی سەربەخۆی سۆران، بە ئاژانسی هەواڵی زاگرۆسی راگەیاند: دوێنێ کاتژمێر 3:45 بەیانی دەمەقالێ لەنێوان چەند گەنجێک دروست بوو لەسەر کێشەیەکی بچووک کە بووە هۆی کوژرانی هاولاتیەک بەناوی ( ب ع ق ) دانیشتووی سیدەکان دەست بەجێ مەفرەزەکانی بنکەی پۆلیسی مەزنێ لەسەر فەرمانی بەرێز دادوەر گەیشتنە شوێنی تاوان.
هەروەها شیماڵ دیوالی، وتەبێژی بەرێوبەرایەتی پۆلیسی ئیدارەی سەربەخۆی سۆران ئەوەشی بۆ ئاژانسی هەواڵی زاگرۆس خستەروو، کە دوای لێکۆلێنەوەو بەدواداچوون توانیان بکوژ دەسگیربکەن بەناوی ( م آ س ) لەگەڵ دوو کەسی تر لێکۆلینەوە بەردەوامە.
رێباز یونس