وتەبێژی بەڕێوەبەرایەتیی پۆلیسی سۆران رایەگەیاند، کە بەڕێوەبەرایەتی پۆلیسی سۆران بۆ کەمکردنەوەی خەرجی و ئاسانکاری زیاتر بۆ هاووڵاتییان پەڕاوی لێکۆلینەوەکان لە بنکەکانی پۆلیس دەکاتە چاپی کۆمپیوتەر.
عەقید شەماڵ دێواری، وتەبێژی بەڕێوەبەرایەتیی پۆلیسی سۆران، بە ئاژانسی ھەواڵی زاگرۆسی ڕاگەیاند: لەسەر فەرمانی بەرێوەبەری پۆلیسی سۆران عەمیدی مافپەروەر سەران شێخ لەتیف، لە سەرەتای ساڵی ٢٠٢٤ بەڕێوەبەرایەتیەکەمان لە پێناو ئاسانکاری زیاتر و کەم کردنەوەی رۆتینات و خەرجییەکان هەڵساین بە گۆڕینی قۆناغەکانی پەراوەکانی لێکۆڵینەوە لەدەست نووس بۆ چاپی کۆمپیوتەر لەسەرەتادا لەچەند بنکەیەکی پۆلیس جێبەجێ کراوە و بنکەکانی تریش دەگرێتەوە”.
هەروەها عەقید شەماڵ دێواری، وتەبێژی بەڕێوەبەرایەتیی پۆلیسی سۆران ئەوەشی بۆ ئاژانسی ھەواڵی زاگرۆس خستەروو، کە ئەم هەنگاوە جگە لەکەم کردنەوەی خەرجی و رۆتینات و ئامارەکان رێکدەخات و لەهەمان کاتدا ئاسانکاری زۆر دەکات کە فەرمانەکانی دەستگیرکردن و ئامادەبوونی تۆمەتباران ئاسانتر و زووتر دەگات بە شوێنەکان ئەم هەنگاوە لە پێناو خزمەتکردنی هاووڵاتییان و خێرایی لەتەواو کردنی پەراوەکانی لێکۆڵینەوە.
رێباز یونس