ئەمڕۆ دووشەممە 2025.11.10، لەژێرچاودێریی ساسان عەونی، وەزیری شارەوانی و بە ئامادەبوونی ئومێد خۆشناو، پارێزگاری هەولێر و د. محەمەد شوكری، سەرۆكی دەستەی وەبەرهێنان و سەرۆكی شارەوانیی هەولێر و ژمارەیەكی دیكە لە بەڕێوبەرانی شارەوانی و ئەندازیاران و كەسایەتیەکانی ناوچەكە، لە ڕێوڕەسمێکدا بە گوژمەی (1 ملیار دینار ) بەردی بناغەی دروستكردنی “لالاڤ پارك” لە گەڕەكی نیشتمان دانرا.
پڕۆژەکە لەسەر ڕووبەری ( 33135م2 ) لە ماوەی سێ مانگدا جێبەجێ دەكرێت، ئەم پاركە لە چوارچێوەی پلانی زیادكردنی ڕێژەی سەوزایی و بایەخدانە بە ژینگەی شاری هەولێر كە دانیشتووانی گەڕەكی نیشتمان و دەوروبەری سوود لەم پاركە وەردەگرن و سیمایەكی جوانتریش بە شوێنەكە دەبەخشێت.