بەردەوامیدان ب گەهاندنا پرۆژێن خزمەتگوزاری بۆ هەموو دەڤەرا ئەڤرۆ پشتی نیڤرۆ رۆژا ئێکشەمبی 30چریا دووێ 2025 ل کەمەڵگەها قەدشێ ل سنوڕێ ناوچەداریا سەرسنکێ “د عەلی تەتەر” پارێزگارێ دهۆکێ ب ئامادەبونا “وارشین سەلمان ” دەڤەردارێ ئامێدیێ وچەند بەرپرسێن حزبی وئیداری کومەکا پرۆژا ژچێکرنا جادا و پرۆژێن ئاڤێ وئاڤ رویا وکارەبێ و پرۆژێن دی یێن خزمەتگوزاری هاتنە ڤەکرن.
پارێزگارێ دهۆکێ دپەیڤەکێدا پیروزباهی ل خەلکێ وان هەموو جهان وناوچداری وکومەڵگەها کر ودوپاتکر کو لدووڤ راسپاردێن رێزدار سەرۆک مەسعود بارزانی وبەرێز مەسرور بارزانی سەرۆکێ حکومەتا هەرێما کوردستانێ پرۆژێن خزمەتگوزاری بەردەوام بۆ هەموو گوند وناوچەداریا ودەڤەرداریا دێ هێنە گەهاندن.
هەروەسا دیارکر کو ئەو پرۆژێن ئەڤرۆ هاتینە ڤەکرن وکەتینە دخزمەتا هاوڵاتییاندا بهایێ وان 12ملیار و189 ملیون دینارن ولناڤ هەموو ناوچەداری وگوندێن دەڤەرداریا ئامێدیێ ولسەر بودجا پارێزگەهێ هاتینە ئەنجامدان.