سەركەوت ئەحمەد وتەبێژی پۆلیسی سلێمانی بەڕۆژنامەنوسانی ڕایگەیاند: كاتژمێر 10:00ی بەیانی لە سەیدسادق دوو برا دەبێتە دەمەقاڵەیان و لە ئەنجامدا یەكێكیان ئەوی دیكەیان بریندار دەكات، تاوەكو گەیشتن بە نەخۆشخانە بریندارەكە گیان لەدەستدەدات، تیمەكانی پۆلیسیش سەرقاڵی لێكۆڵینەوەن.
لەو بارەیەوە، ناسیح عەلی خەیات، پوورزای كوژراوەكە: “دوای ئەوەی (ب. ع) دەیەوێت بچێت بۆ جەژنە پیرۆزە لە دایكی، بەڵام وریای برای رێگە نادات بیبینێت و دەبێتە دەمەقاڵەیان. (ب. ع) دەگەڕێتەوە ماڵی خۆی و دواتر بە چەكی M4 دەگەڕێتەوە و تەقە لە براكەی دەكات و سێ فیشەكی لێدەدات.”
ناسیح عەلی خەیات، سەبارەت بە كێشەی ماڵی پووری وتی، كێشەكە “لەسەر خانوویەكی بچووكی وەرەسەیە كە 10 ساڵە ئەو كێشەیە بەردەوامە و دوای چەندجارێك هەوڵدان، نەتواندرا چارەسەر بكرێت، ئەمڕۆ وریا بەهۆیەوە كوژراوە.
بەپێی زانیاییەكان بكوژ كارمەندی هێزە ئەمنییەكانە، پلەی هەیە و تاوەكو ئێستا دەستگیر نەكراوە.