دوای ئەوەی لە گرتەیەکی ڤیدیۆیی و لە وتاری هەینی رابردوو (سەدرەدین قوبانجی) ئیمام جومعەی نەجەف چەند قسەیەک لەسەر کوردستان دەکات و زێدەرۆیی و زانیاری هەڵە بڵاو کردەوە، سەرۆکی یەکێتی زانایان لە پەرەی تایبەتی خۆی وڵامێکی قونابجی دایەوە، ئەمەی خوارەوە دەقی وڵامەکەیە:
بەپێویستم زانی وەڵامی (سەدرەدین قوبانجی ) ئیمام جومعەی نەجەف بدەمەوە كە لە خوتبەیەكدا زانیاریی هەڵە و ناڕاستی لەبارەی كوردستان باسكردووە،
1. پیاوی ئاینی دەبێ ئەهلی مەسڵەحەت و چاكە بێ و حەقیقەت بۆ خەڵك باس بكات نەك ئەوەی بە قسەی ڕقاوی و ناڕاست، هزر و هۆشی گوێگران بشێوێنێت.
2. ئەوەی قوبانجی لە خوتبەكەی خۆیدا لەسەر كوردستان دەگێڕێتەوە دوورە لە ڕاستی و هیچ بنەمایەكی نیە. نازانین ئەو قسە ناڕاستانەی بە عەنقەست و لە ڕقەوە گوتوە یان بە ناڕاستی پێیان گەیاندووە؟
3. ئەگەر دەیەوەێ وێنەی ڕاستەقینەی كوردستان ببینێت ئەوا دەعوەتی دەكەین با بێت و بەخۆی سەقامگیری و بووژانەوەی كوردستان بە چاوی خۆی ببینێت و تۆزێك گوێ و چاویشی بكرێنەوە…