سەرۆکایەتی ئەنجومەنی نوێنەران، ئەمڕۆ ئیدانەی بەئامانجگرتنی ماڵی نێچیرڤان بارزانی، سەرۆکی هەرێمی کوردستان و دامەزراوە حکومی و مەدەنییەکانی پارێزگای دهۆکی کرد و ئەم هێرشەی بە پەرەسەندنێکی مەترسیدار لە دۆخی ئەمنیدا و کارێکی شەرمەزارکراو وەسف کرد.
سەرۆکایەتی ئەنجومەن لە بەیاننامەیەکدا بڵاویکردووەتەوە: “ئیدانە و شەرمەزاری بەئامانجگرتنی ماڵی سەرۆکی هەرێمی کوردستان نێچیرڤان بارزانی و هەروەها بەئامانجگرتنی دامەزراوە حکومی و مەدەنییەکان لە پارێزگای دهۆک دەکەین.”
له راگەیەندراوەکەدا ئاماژە بەوە کراوە کە ئەم هێرشە پەرەسەندنێکی مەترسیدارە لە بارودۆخی ئەمنیدا و بە هیچ شێوەیەک لە بەرژەوەندی وڵاتدا نییە.
سەرۆکایەتی پەرلەمان داوای لە لایەنە پەیوەندیدارەکان کردووە ڕێکاری پێویست و ئیجرائاتی یاسایی بگرنەبەر بۆ ڕێگری لە تێوەگلانی و تێکچوونی مەترسیداری دۆخی ئەمنی و سیاسی وڵات.
هەواڵی پێشوو