شاندێکی باڵای دەستەی سەربەخۆی مافی مرۆڤ لە هەرێمی کوردستان، لە شاری سلێمانی سەردانی دەزگای ئاسایشیان کرد و لە نزیکەوە چاویان بە لاهور شێخ جەنگی و پۆڵاد شێخ جەنگی کەوت.
ووردەکاریی زانیارییەکان:
ئەمڕۆ یەکشەممە ١٠-٥-٢٠٢٦، شاندێکی باڵای دەستەی سەربەخۆی مافی مرۆڤ بە سەرۆکایەتی دکتۆرە مونا یاقۆ، سەرۆکی دەستە و بە یاوەری ڕاوێژکاران و بەڕێوەبەرانی گشتی دەستەکە، گەیشتنە شاری سلێمانی و لەگەڵ هیوا ئەحمەد، سەرۆکی دەزگای ئاسایشی هەرێمی کوردستان لە سلێمانی کۆبوونەوە.
ئەوەی پێویستە بیزانیت:
لە کۆبوونەوەکەدا جەخت لەسەر سێ تەوەری سەرەکی کرایەوە:
١- بەرزکردنەوەی ئاستی هەماهەنگی نێوان دەستەی مافی مرۆڤ و دەزگای ئاسایش.
٢- پاراستنی زیاتری ڕەوشی مافەکانی مرۆڤ لە کاتی لێکۆڵینەوە و ڕاگرتندا.
٣- پێشکەشکردنی خزمەتگوزاریی باشتر بە هاووڵاتییان و گەرەنتی کردنی مافە یاساییەکانیان.
لە لایەکی دیکەوە:
شاندەکەی مافی مرۆڤ بە مەبەستی ئاگاداربوون لە ڕەوشی ڕاگیراوان، سەردانی هەریەکە لە (لاهور شێخ جەنگی و پۆڵاد شێخ جەنگی)یان کرد. لەو دیدارەدا لە نزیکەوە گوێیان لە داواکارییەکانیان گرت و لە بارودۆخی ژیان و تەندروستییان پرسییەوە، ئەمەش لە چوارچێوەی ئەرکی دەستەکە بۆ چاودێریکردنی ڕەوشی مافەکانی مرۆڤ لە زیندان و بنکەکانی ڕاگرتن.