نرخى نەوت لە بازاڕەکانى جیهان بۆ ئەمڕۆ گۆڕانکارییان بەسەرداهاتوە و نرخی نەوتى خاوى برێنت و تەکساسى ئەمەریکیش بەرزبونەوەیان تۆمار کردوە.
ئەمڕۆ پێنجشەممە، لە بازاڕەکانى جیهان، نرخى بەرمیلێک نەوتى خاوى برێنت بە 83 دۆلار و 92 سەنت مامەڵەی پێوەدەکرێت و بەراورد بە رۆژی رابردو نرخەکەی دۆلارێک و 19 سەنت بەرزبوەتەوە.
هەروەها نەوتی تەکساسى ئەمەریکیش نرخەکەی بە 79 دۆلار 43 سەنت مامەڵەی پێوەدەکرێت و بەراورد بە رۆژی رابردو نرخەکەی هاوشێوەى برێنت نرخەکەى دۆلارێک و44 سەنت بەرزبوەتەوە.
رێکخراوی ئۆپیک پڵەس رایگەیاندوە کە بەردەوامدەبن لەسەر کەمکردنەوەی ئاستی بەرهەمهێنان و هەناردەکردنی نەوت بۆ بازاڕەکانی جیهان و لە ئێستاشدا خواستی بازاڕەکان بۆ نەوت بە پارێزراوی ماوەتەوە.