مەکتەبی سیاسیی پارتی دیموکراتی کوردستان، ئەمڕۆ سێشەممە، پەیامێکی سەرەخۆشی و هاوخەمی ئاراستەی د. هێمن هەورامی کرد، بەهۆی کۆچی دوایی دایکی، خاتوو (شەوبۆ عەبدوڵڵا حەمەئەمن هەورامی).
لە پەیامەکەی مەکتەبی سیاسیی پارتیدا هاتووە: “بە داخ و پەژارەیەکی زۆرەوە هەواڵی کۆچی دوایی دایکی بەڕێزتان خاتوو (شەوبۆ عەبدوڵڵا حەمەئەمن هەورامی)مان پێگەیشت، بە خەمناکییەوە پرسە و سەرەخۆشیی خۆمان و هەڤاڵانی کۆمیتەی ناوەندیی پارتیمان ئاراستەی ئێوەی هێژا و کەسوکار و بنەماڵە بەڕێزەکەتان دەکەین و خۆمان بە هاوبەشی خەمتان دەزانین.”
هەروەها مەکتەبی سیاسی هیوا دەخوازێت کە دڵنەوایی و هاوخەمی هەڤاڵ و دۆست و ئازیزان ببێتە مایەی سەبووری و ئارامگرتنی بنەماڵەکەیان و لە خەم و خەفەتیان کەم بکاتەوە، هاوکات لە خوای گەورە دەپاڕێنەوە گیانی خوالێخۆشبوو بخاتە بەر رەحمەت و میهرەبانی خۆی و بە بەهەشتی بەرینی شاد بکات.
بۆ هەڤاڵی بەڕێز ( د. هێمن هەورامی)
بە داخ و پەژارەیەکی زۆرەوە هەواڵی کۆچی دوای دایکی بەڕێزتان خاتوو (شەوبۆ عەبدوڵڵا حەمەئەمن هەورامی)مان پێگەیشت، بە خەمناکییەوە پرسە و سەرەخۆشیی خۆمان و هەڤاڵانی کۆمیتەی ناوەندیی پارتیمان ئاراستەی ئێوەی هێژا و کەسوکار و بنەماڵە بەڕێزەکەتان دەکەین و، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیزانتان ببێتە مایەی سەبووری و ئارامگرتنتان و لە خەم و خەفەتتان کەم بکاتەوە.
لە خوای گەورە داواکارین گیانی دایکی کۆچکردوتان بخاتە بەر رەحمەت و دلۆڤانی خۆی و بە بەهەشتی بەرینی شاد بکات.
إنا لله وإنا إليه راجعون
مەکتەبی سیاسیی پارتی دیموکراتی کوردستان