کەرتی تەندروستیی غەززە بڵاویکردەوە، بەهۆی هێرشی سوپای ئیسرائیل تەنیا لە 24 کاتژمێری رابردوو زیاتر لە 39 کەس کوژراون.
بەم شێوەیەش ژمارەی کوژراوانی غەززە لە 7ی ئۆکتۆبەری ڕابردووەوە گەیشتە 35 هەزار و 272 کەس، 79 هەزار و 205 کەسی دیکەش بریندارن.
هەفتەیەکە سوپای ئیسرائیل هەڵمەتی بۆ سەر رەفەح دەست پێکردووە و ئەمەش دۆخی مرۆیی هێندەی دیکە خراپتر کردووە و هەتا ئێستا زیاتر لە 500 هەزار کەس رەفەحیان بەجێهێشتووە.