ئەڤرو سپێدێ رۆژا سێشەمبی ٢٨/گولانا /٢٠٢٤ ێ ل گورەپانا مزگەفتا حەجی ئەحمەد ل باژێرێ دھۆکێ ب ئامادەبونا بەرێز د.عەلی تەتەر پارێزگارێ دھۆکێ وبەرێزان ئسماعیل مەحەمەد دەڤەردارێ دھۆکێ ورێڤەبەرێ گشتی یێ ئەوقافێ وسەروکێ ئێکەتیا زانایێن ئاینی ئیسلامی لقێ دھۆکێ وکەس وکارێن حەجیا ئێکەم کاروانێ حەجیێن پارێزگەھا دھۆکێ کو یێ پێک ھاتی بوو ژ(١٣٢) کەسا بۆ جھێن پیرۆز ل عەرەبستانا سعودیێ ھاتە ب رێئێخستن.
پارێزگارێ دھۆکێ دپەیڤەکێدا پیرۆزباھی ل ھەموو حەجیا وکەس وکارێن وان کر وداخازا سلامەتیێ بۆ کر وگوت: ھیڤی دارین ژخودایێ مەزن ودلۆڤان حەجا وان بھێتە قەبولکرن و ھەموو حەجی مەراسیمێن خو ل جھێن پیرۆز ب ئارامی وتەمامی ئەنجامدەن .
سەبارەت بەرھەڤیێن پێشوەخت ھاتینە کرن بۆ حەواندن وپێشوازیکرنا حەجیا ل سعودیێ پارێزگارێ دھۆکێ گوت: بەری نوکە مە شاندەکێ کارگێری وشیرەتکاری ھنارتیە سعودیێ بۆ وێ یەکێ کوجھێ ڤەحەواندنێ ودابینکرنا خارن وڤەخارنا وکاروبارێن رۆژانە یێن حەجیێن پارێزگەھێ بھێتە دابینکرن .
ھەژی گوتنێ یە بۆ ئەڤ ساڵە ٢٠٢٤ ب رێکا پشک کێشانێ ناڤێ (١٢٠٠) کەسا ژخەلکێ پارێزگەھێ دەرکەتیە کو مەراسیمێن حەجێ ئەداکەن.