ئەمڕۆ چوارشەممە 5 حوزەیرانی 2024 بەرپرسانی ئەمنیی ئوردن ڕایانگەیاند، لە خاڵێکی سنووری، شکستیان بە دوو پیلان بۆ بەقاچاخبردنی ملیۆنان حەبی کاپتاگۆن هێناوە، ئەمەش گەورەترین دەستبەسەرداگرتنی مادە هۆشبەرەکانە لە ماوەی چەند ساڵی ڕابردوودا کە لەلایەن تۆڕەکانی پەیوەندیدار بە ئێرانەوە لە باشووری سووریاوە بەقاچاخ هێنراون.
بەڕێوەبەرایەتی ئاسایشی گشتیی ئوردن لە بەیاننامەیەکدا کە ماڵپەڕی (ئەلعەرەبییە) بڵاوی کردووەتەوە، ڕایگەیاند: ”باندێکی قاچاخچیی ئێرانییان دەستگیر کردووە کە دەیانویست نزیکەی 9.5 ملیۆن حەبی هۆشبەر و 143 کیلۆگرام حەشیش بهێننە وڵاتەکەوە.“