کۆمپانیای راپرسی مێترۆپۆل لە دوایین راپرسییدا پرسیاری سیستەمی ئیداریی تورکیای ئاراستەی بەشداربووانی کردووە.
ئەم ڕاپرسییە لە 28 پارێزگا و هەزار و 700 کەس کراوە و بەگوێرەی ئەنجامی راپرسییەکە، لەسەدا 33.4ـی بەشداربووان لەگەڵ سیستەمی سەرۆکایەتی کۆمارین و پێیان باشە ئیدارەی دەوڵەت لەرێگەی ئەو سیستەمەوە بێت.
لەسەدا 55.8ـی بەشداربووان دژی سیستەمی سەرۆکایەتین و داوا دەکەن سیستەمی پەرلەمانتاری بگەڕێندرێتەوە. هۆکاری ویستی گەڕانەوەی سیستەمی پەرلەمانتاری بۆ دۆخی ئابووریی تورکیا دەگەڕێتەوە و خەڵک پێیان وایە، ئەم دۆخەی ئێستا هەیە، بەهۆی سیستەمی تاکە کەسییەوەیە.