هاوپه‌یمانیی ده‌وڵه‌تی یاسا داوای گۆڕینی یاسای هه‌ڵبژاردنه‌كان و كۆمیسیۆنی باڵای هه‌ڵبژاردن له قۆناغی داهاتوودا ده‌كات.
عه‌بدولڕه‌حمان جه‌زائیی، سه‌ركرده له ده‌وڵه‌تی یاسا دەڵێت، پێویستی هه‌نووكه‌ییه یاسای هه‌ڵبژاردنه گشتییه‌كان هەموار بكرێت، چونكه ئه‌م یاسایه‌ی ئێستا له به‌رژه‌وه‌ند‌یی خه‌ڵك و به‌شێك له هێزه نوێیه سه‌ربه‌خۆكاندا نییه، ئه‌م گۆڕانكارییه‌ش به‌هۆی كێشه و بۆشایی سه‌رۆكی په‌رله‌مانه‌وه دواكه‌وتووه.
جه‌زائیری ئاماژه‌ی به‌وه‌شكردووه، هەموارکردنی كۆمیسیۆنی هه‌ڵبژاردنه‌كان و یاساكه‌ی هه‌نگاوێكی گرنگه، به‌جۆرێك به‌شێك له ئه‌ندامانی كۆمیسیۆن سه‌ر به هێز و فراكسیۆنه سیاسییه‌كانن، بۆیه به‌گرنگی ده‌زانن یاساكه هه‌موار بكرێته‌وه و گۆڕانەکەش له كۆمیسیۆندا بكرێت.
ئەم سەرکردەیەی دەوڵەتی یاسا دەڵێت: ئه‌م بابه‌ته‌یان بۆ چوارچێوه‌ی هه‌ماهه‌نگی و هاوپه‌یمانی به‌ڕێوه‌بردنی ده‌وڵەت پێشنیار كردووه و چاوه‌ڕوانی وه‌ڵامن بۆ ئه‌وه‌ی گۆڕانكارییه‌كان له‌م خوله‌ی په‌رله‌ماندا بکرێن.