ئەمڕۆ سێشەممە، دەیان ڕاهێنراو لە بەردەم پاڵاوگەی پارێزگای کەربەلا خۆپیشاندانیان کرد و داوای دامەزراندنیان کرد ئەمەش دوای ئەوەی نزیکەی پێنج ساڵ بەسەر مەشق و ڕاهێنانەکانیاندا تێپەڕیووە.
ژمارەیەک لە خۆپیشاندەران بە میدیاکانیان ڕاگەیاند، “ئێمە ژمارەیەک فێرخوازین لە پرۆژەی پاڵاوگەی کەربەلا بۆ ماوەی شەش مانگ مەشق و ڕاهێنانمان لە پاڵاوگەی کەربەلا کردووە، بۆیە داوا لە وەزیری نەوت و سەرۆکوەزیرانی عێراق دەکەین چاو لە دۆسیەکانمان بکات“.
هەروەها خۆپیشاندەران دووپاتیان کردووەتەوە، جگە لە ماوەی مەشق و ڕاهێنانەکان، نزیکەی پێنج ساڵ لە پاڵاوگەکەدا کاریان کردووە، دوای ئەوەی بەرپرسان بەڵێنیان پێداون کە لەگەڵ کۆتایی هاتنی ماوەی مەشقەکاندا دادەمەزرێنرێن.
لەبەر ئەوە خۆپیشاندەران جەختیان لەوە کردووەتەوە کە خۆپیشاندانەکانیان ئاشتیانە بووە و تەنها بە دانانی ئەوان بۆ پاڵاوگەکە داوای دادپەروەرییان بۆ کردووە.