٦ تۆمەتبار دەستگیرکران و بڕی یەک کیلۆگرام ماددەی هۆشبەریش لەجۆری کریستاڵ دەستی بەسەرداگیرا.
لە بەردەوامی هەوڵەکانمان بۆ بەرەنگاربوونەوە و نەهێشتنی ماددە هۆشبەرەکان، دوای بەدواداچوون و کۆکردنەوەی زانیاری و پاشان وەرگرتنی فەرمانی بەڕێز دادوەری لێکۆڵینەوەی ئاسایش، لە ڕێکەوتی٢٩ی٧ی٢٠٢٤ توانرا بڕی یەک کیلۆگرام ماددەی هۆشبەر لەجۆری کریستاڵ دەستی بەسەردابگیرێت .
لەم چاڵاکییەدا کە ماوەی دوو رۆژی خایاند باندێکی شەش کەسی مەترسیدار کە کاری بڵاوکردنەوەو کڕین و فرۆشتنیان بە ماددەی هۆشبەرەوە دەکرد دەستگیرکران، هەروەها درۆنێکیش کە لەم تاوانکاریەدا بەکار دەهێنرا لەگەڵ چەند پارچە چەک و نارنجۆک و بڕێک دۆلاری ساختەش دەستی بەسەردا گیرا.
تەواوی تۆمەتباران لەژێر لێکۆڵینەوەدان و بەپێی یاسای بەرەنگاربونەوەی ماددەهۆشبەرەکان و کارتێکەرە ئەقڵیەکان ڕووبەڕووی یاسا دەکرێنەوە.
بەڕێوەبەرایەتی نەهێشتنی ماددە هۆشبەرەکان.
٣٠ـی ٧ـی ٢٠٢٤