وه‌زیری ناوخۆی توركیا، كوشتنی ژنه به‌رپرسێكی پارتی كرێكارانی كوردستان (په‌كه‌كه)ی ڕاگه‌یاند.
عه‌لی یه‌رلیكایا، وه‌زیری ناوخۆی توركیا، ڕایگه‌یاند، له ناوچه‌ی بازیدی پارێزگای ئاگری له باكووری كوردستان، له ئۆپه‌راسیۆنێكدا ژنه به‌رپرسێكی په‌كه‌كه به‌ناوی (سه‌یران جۆمه‌ك) كه له لیستی سووری داواكراوانی توركیادایه كوژرا.
وه‌زیری ناوخۆی توركیا، له لاپه‌ڕه‌ی خۆی له تۆڕی (ئێكس)، ئاماژه‌ی بۆ ئه‌وه‌ش كردووه، به‌رپرسه كوژراوه‌كه‌ی په‌كه‌كه 16 جار فه‌رمانی داوه هێرش بكرێته سه‌ر هێزكانی توركیا، له‌و هێرشانه‌شدا، 29 كه‌س كوژراون و دواجار له ئۆپه‌راسیۆنێكدا ئه‌و به‌رپرسه‌ی په‌كه‌كه كوژرا.