بەرپرسێکی ئەمریکایی دەڵێت، هێزەکانی ئەمریکا لە سووریا نکشێنەوە و پەیوەندییەکانیان لەگەڵ ڕژێمی سووریا ئاسایی ناکەنەوە.
ئیسان گۆڵدریچ گوتەبێژی وەزارەتی دەرەوەی ئەمریکا، بە ڕۆژنامەی شەرقولئەوسەتی ڕاگەیاندووە، هێزەکانی ئەمریکا لە سووریا ناکشێنەوە، ئیدارەی جۆ بایدنیش بۆ کشانەوە هیچ پلانێکی نییە.
ئاماژەی بەوەشکرد، ئەمریکا بە هاوکاری لەگەڵ هێزە نێوخۆییەکان لە سوریا پابەندە.
ئەم بەرپرسە ئەمریکاییە سەبارەت بە ئاساییکردنەوەی پەیوەندییەکانی لەگەڵ ڕژێمی سووریا ڕایگەیاند، ئەمریکا پەیوەندییەکانی لەگەڵ سووریا ئاسایی ناکاتەوە هەتا مل بۆ بڕیارەکەی ئەنجوومەنی ئاسایشی نێودەوڵەتی نەوی نەکات.