وەزارەتی بەرگریی تورکیا کوژرانی شەش چەکداری پەکەکەی لە سنووری هەرێمی کوردستان راگەیاند.
وەزارەتی بەرگریی تورکیا لە راگەیەندراوێکدا ت ئاشکرایکرد، لە هەڵمەتێکی ئاسمانیدا لە ناوچەی خواکوڕک و لە بەردەوامی هەڵمەتەکانی چڕنوک قوفڵ، شەش چەکداری پەکەکەیان کوشتووە.
ڕاگەیەندراوەکە دوای ئەوە دێت شەوی ڕابردوو وەزارەتی بەرگریی ڕایگەیاندبوو، هەڵمەتێکی ئاسمانی لەلایەن سوپای تورکیاوە بۆ سەر شاخەکانی مەتین، گارە، خواکوڕک، قەندیل، ئاسۆس و ناوچەی زاب کراو و 20 خاڵ بۆمباباران کراون. باس لەوەشکرابوو، پێشبینی دەکرێت لە خاڵەکاندا ژمارەیەک بەرپرسی پلەباڵای پەکەکە کوژرابن.