لە کۆبوونەوەی قاسم ئەعرەجی ڕاوێژکاری ئاسایشی نیشمتانیی عیراق له‌گه‌ڵ ئه‌ندامانی ئەم ئەنجومەنەدا باس لە دروست‌کردن و ناردنی مانگیلەی دەستکرد بە مەبەستی تەکنیکی و هەواڵگری کرا.
شاره‌زایانی ئاسایشی سه‌ربازیش ده‌ڵین ئه‌م پڕۆژه‌یه بۆ ساڵی 2008 ده‌گه‌ڕێته‌وه و ئه‌م مانگیله ده‌ستكرده له پاراستنی سیسته‌می په‌یوه‌ندییه‌كان و له نێویشیاندا ئه‌و په‌یوه‌ندییه ئه‌لیكترۆنییانه‌ی لایه‌نه ئه‌منی و هه‌واڵگریییه‌كانی به‌كاری ده‌هێنن هاریكار ده‌بێت و له‌ڕووی په‌یوه‌ندییه ته‌له‌فۆنییه‌كان و خێراكردنی هێڵه‌كانی ئینته‌رنێتیشه‌وه سوودی لێ ده‌بینرێت.