ڕۆدری یاریزانی ناوەڕاستی یانەی مانچستەر سیتی ئەو ئامۆژگاریەی ئاشکرا کرد کە سێرجیۆ بوسکێتس ئەفسانەی بەرشەلۆنە پێی دابوو کاتێک پەیوەندی بە مانسیتی و گواردیۆلاوە کرد.
ڕۆدری لە لێدوانێکدا کە ڕۆژنامەی “سپۆرت”ی ئیسپانی تیشکی خستۆتە سەری، وتی: کاتێک دەرفەتێکم بۆ ڕەخسا بچمە سیتی، ئەوە خەونێک بوو کە هاتەدی.
ئاماژەی بەوەشکرد، پێش قبوڵکردنی گواستنەوەکە لەگەڵ بوسکێتس قسەم کرد، ئەویش دڵنیای کردمەوە: (پیپ دەتکاتە یاریزانێکی باشتر. بەڵام هەرگیز واز لە فشارخستنە سەرت ناهێنێت بۆ باشتربوون)”.
لە درێژەی قسەکانیدا وتی: سێرجیۆ هەمان ڕۆڵی پیپ گێڕا، و چەندین دەستکەوتی نایابی بەدەستهێنا، بۆیە متمانەم بە قسەکانی هەبوو، ئەو بە تەواوی ڕاستی دەکرد.
لە درێژەی قسەکانیدا وتی: بۆ من شتە تایبەتەکەی پیپ ئەوەیە کە هەمیشە هەنگاوێک بەرەو پێشەوە دەنێت پێش ئەوەی جیهانی دەوروبەری گەشە بکات.
جەختیشی کردەوە: گواردیۆلا هەرگیز ڕازی نییە لە هێشتنەوەی شتەکان وەک خۆی،
لە کۆتاییدا وتی: ناتوانیت چوار نازناوی پرێمەرلیگی ئینگلیزی لەسەریەک بەدەستبهێنیت لەکاتێکدا ئاستت وەک خۆی بێت و بەرەو پێش بچی.