کامالا هاریس، جێگری سەرۆکی ئەمریکا رایگەیاند؛ حەسەن نەسروڵڵا، ئەمینداری گشتیی حیزبوڵڵا تیرۆریست بوو و دەستی بە خوێنی ئەمریکاییان سوور بوو.
کامالا هاریس جێگری سەرۆکی ئەمریکا لەپەیامێکدا کە پێگەی کۆشکی سپی بڵاویکردووەتەوە، دەڵێت؛ بە درێژایی چەندین دەیە، حیزبوڵای لوبنانی، بووە هۆی ناسەقامگیربوونی رۆژهەڵاتی نێوەڕاست و کوژرانی خەڵکێکی بێشوماری بێتاوان لە لوبنان، ئیسرائیل، سووریا و سەرانسەری جیهان. ئەمڕۆ قوربانیانی دەستی حیزبوڵڵا، چاویان بە دادپەروەری کەوت.
هاریس جەخت هەروەها گوتی: هەمیشە پشتیوانی لە مافی ئیسرائیل دەکەم بۆ ئەوەی لە دژی ئێران و گرووپەکانی لایەنگری ئێران، وەک حیزبوڵا، حەماس و حووسییەکان، بەرگری لە خۆی بکات.
