پرۆژەكانی كابینەی نۆیەمی حكوومەتی هەرێمی كوردستان بەردەوامە و لەو چوارچێوەیەشدا، پرۆژەی قیرتاوكردنی شەقامی سەرەكیی گەڕەكی زیلان لە شاری هەولێر جێبەجێ دەكرێت.
پڕۆژەى قیرتاوکردنى شەقامى سەرەکیى گەڕەكی زیلان، بە گوژمەى 140 ملیۆن دینار، لەسەر بودجەى 15%ى سەرۆکایەتیى شارەوانىیی هەولێر، بە درێژیی 500 مەتر و بە ڕووبەری 5 هەزار مەتردووجا، دەست بە جێبەجێکردنى کراوە.
ئەمڕۆ دووشەممە 30ی 9ی 2024، ئومێد خۆشناو، پارێزگاری هەولێر، لەگەڵ هەریەك لە جێگرى پارێزگار و سەرۆکى شارەوانیی هەولێر و بەڕێوەبەرى شارەوانیىی چوار، پرۆژەكەیان بەسەر كردەوە.
كابینەی نۆیەمی حكوومەتی هەرێمی كوردستان، لە هەموو دەڤەر و ناوچەكانی هەرێمی كوردستان، سەرباری ئاستەنگە ئابوورییەكان، پرۆژە خزمەتگوزارییەكانی بەردەوامە، ئەمەش هەموو لایەنە خزمەتگوزارییەكانی گرتووەتەوە.