ناسر کەنعانی گوتەبێژی وەزارەتی دەرەوەی ئێران جارێکی دیکە جەختی لەوە کردەوە ئەوان دەتوانن تۆڵە لە ئیسرائیل بکەنەوە بەڵام بۆ پشتیوانی لە پاراستنی ئاسایشی خەڵکی فەلەستین بە شێوەیەکی زیرەکانە دانیان بە خۆیاندا گرتووە، تاکوو دەرفەتیان بۆ دەڕەخسێت و کاتی خۆی دێت.
کەنعانی گوتی: بە کردەوە نیشمانمان داوە، لە بەرانبەر دەستدرێژیکاران و ئەو شەڕەنگێزانەی دەیانەوێت ئاسایشی کۆماری ئیسلامیی ئێران تێک بدەن و سەروەری، ئاسایشی نیشتمانی و یەکپارچەییی خاکی کۆماری ئیسلامیی ئێران پێشێل بکەن، ئێمە بە لێبڕاوییەوە لە بەرانبەریان ڕادەوەستین.
کەنعانی دەڵێت: کردەوەی ئێمە پەشیمانکەرەوە دەبێت و دەست و پێی دەستدرێژیکەر دەبڕینەوە.
کەنی هەروەها گوتی: با کەس گومانی لە تواناییەکانی کۆماری ئیسلامی بۆ وەڵامدانەوەی هەنگاوە شەڕەنگێزانە و گەمژانەکانی ڕژێمی زایۆنی نەبێت. ئێمە دروشم نادەین، ئێمە بەکردەوە کار دەکەین و ڕژێمی زایۆنی ئەمە دەزانێت.
هەواڵی پێشوو