بەربژێرەکا ليستا 190يا پارتی ل بازنا دھۆکێ راگەھاند: ئێکەم کارێ من کارکرنە بۆ جێبەجێکرنا رێکەفتنا شنگال کو دەستپێشخەريا پارتی و سەرۆک بارزانی یە بۆ ڤەگەراندنا ئارامی و ئێماھی و پێگڤە ژیانێ بۆ وێ دەڤەرێ.
وشیان خدیدا اومو بەربژێرا ژمارە 48 لسەر ليستا 190 يا پارتی ديموکراتی کوردستان ل بازنا دھۆکێ بۆ ئاژانسا ھەواڵی زاگرۆس راگەھاند: رێکەفتنا شنگال دەستپێشخەريا پارتی ديموکراتی کوردستانە بۆ ڤەگەراندنا ئارامی و ئێماھی بۆ وێ دەڤەرێ و ئەز وەکو بەربژێرەکا پارتی سوزێ ددەمە خەلکێ خو دێ کارکەم دگەل ھەڤالێن خويێن فراکسيونا پارتی دێ گڤاشتنا لسەر حکومەتا ناڤەندی کەين بۆ ھندێ کو ئەف رێکەفتننامە بھێتە جێبەجێ کرن و جارەکا دی ئارامی و ئيمناھی ڤەگەريتە دەڤەرێ بۆ ھندێ خەلکێ مەيێ ئاوارە يێن کو بۆ ماوێ چەند سالانە دناف کەمپان دا دژين و ئێش و ئازارێن زور ديتينە بزڤريتە ڤە سەر ژيانا خو يا ئاسايی و ڤەگەرنە ڤە سەر جھ و وارێ خو.
وشيان خديدا اومو زێدەتر گۆت: داخازا من ژ خەلکێ مەيێ خوشتڤی ئەوە ل روژا دەنگدانێ ليستا 190يا پارتی ديموکراتی کوردستان هەلبژێرن بۆ هندێ ئارامی و پێکڤە ژيان و ئاڤەدانی پتر بەرەف پێش ڤە بچيت، داخاز ژ خەلکێ خويێ خوشتڤی دکەم تايبەت ئێزدی پشتەڤانيا من بکەن ئەز وەکو کچەکا ئێزدی بچمە دناف ھوڵێن پەرلەمانی دا وەکی ھەر پێکھاتەکا دی بشێم بەرەڤانيێ ژ مافێن ئێزدیا بکەم و سوزێ ددەمە وان و داخازيێن وان بگەھينمە پەرلەمانێ کوردستانێ.
