ڕۆژنامەی تلەگرافی بریتانیا دەڵێت، هێرشە مووشەکییەکەی ئێران توانیی گەورەترین سیستمی بەرگریی ئاسمانیی جیهان تێکبشکێنێت.
ئەم ڕۆژنامەیە هۆشداریی بە ئیسرائیل داوە، ئەگەر ئەو وڵاتە هەڕەشەکانی خۆی دژی ئێران جێبەجێ بکات، هێرشی ئەم جارەی ئێران وێرانکەر دەبێت. ڕۆژنامەکە نووسیویەتی، بەپێی ئەو ڤیدیۆیانەی لە هێرشەکەی ١ی ئۆکتۆبەری ئێران بڵاو کراونەتەوە، ئەگەری هەیە سیستمی بەرگریی ئاسمانیی ئیسرائیل لە بەرانبەر هێرشی مووشەکیی فرەواندا لاواز بێت.
تلەگراف هۆشدارییشی داوە، ئەگەری هەیە هێرشی هەماهەنگی ئێران و گرووپە چەکدارە هاوپەیمانەکانی سیستمی بەرگریی ئاسمانیی ئیسرائیل تووشی ئالینگاری بکات و بەوەش زیانی گەورە بەر ناوچە سڤیلنشینەکانی ئیسرائیل بکەوێت.