بەربژێرێ لیستا 190 پارتی راگەهاند: دێبمە دەنگەكێ ب هێز یێ گەنجان، كو ئەو هێز و پاشەرۆژا مللەتێ مەنە و پاشەرۆژ دێ ب دەستێ گەنجان ئاڤا بیت.
كەلحێ محەمەد رێكانی، بەربژارێ هەژمارە 39 سەر ب لیستا 190 یا پارتی دیموكراتی كوردستان ل بازنێ دهۆک بۆ ئاژانسا هەواڵی زاگرۆس دیار كر، خزمەتكرنا كوردستانێ و پارێزگەها دهۆکێ دێ ئەركێ مە یێ سەرەكی بیت، و خزمەتكرنا سنوورێ ئەز لێ هاتیمە بەربژار كرن دێ زێدەتر ئەركێ من بیت كو ئەز خزمەتا خەلكێ خوە ل ڤێ دەڤەرێ بكەم.
ناڤهاتی گۆتژی ، ل سەر ئاستێ خزمەتکرنا دەڤەرێ ژی وەكو یا دیار چ جاران ژ خەلكێ خوە نەڤەقەتیاینە،و هندی دشیانێن مەدابوینە بەژداربووینە د خوەشی و نەخوەشیێن خەلكێ خوە دا بێ جوداهی و ژ هەموو تەخ و چینێن جڤاكی.
ناڤهاتی ئاشکراژی کر ، کۆ دێ ل سەر هەمان رێبازا خزمەتكرنێ یێ بەردەوام بیت و گوتژی دێ بمە دەنگەكێ ب هێز یێ گەنجان، ب تایبەتی تەخا گەنجێن خودان شیان كو ئەو هێز و پاشەرۆژا مللەتێ مەنە و پاشەرۆژ دێ ب دەستێ گەنجان ئاڤا بیت.
بەربژارێ پارتی یێ هەژمارە 39 كەلحێ محەمەد كەلحێ رێكانی هیڤی ژی خواستن كو بشێت باوەریا خەلكێ خوە ب دەست ڤە بینیت، داكو ببیتە نوونەرێ دەنگێ ب هێز ل پەرلەمانی.
كەلحێ رێکانی زێدەتر گۆت، داخازێ دکەین خەلک کار بو سەرئێخستنا لیستا 190 یا پارتی دیموکراتی کوردستان بکەن ، داکو ببینە نوێنەرێ راستەقینەیێ خەلکێ دەڤەرێ و خزمەتا وان بکەین ل پەرلەمانێ کوردستانێ.