بەربژێر عبدالقهار صبري رادگەهینیت : ئەگەر ئەس ببم جهێ باوەریا خەلکێ خوە دێ بمە دەنگو رەنگێ وان لپەرلەمانێ کوردستانێ و پتری یا ڤێگاڤێ ئەم دکەین دێ لوێرێژی جێبەجێ کەین.
د. عبدالقهار صبري مسلمینی بەربژێرێ هەژمارە 34 سەر ب لیستا 190 یا پارتی دیموکراتی کوردستان ل بازنێ دهۆک بۆ ئاژانسا هەواڵی زاگرۆس دیارکر، بـهاریکاریا خودایێ مەزن بۆ هەیاما پتری 20 ساڵانە ئەس خزمەتا گەل و ولاتێخو دکەم بتایبەتی تەخا هەژار و دەستکورت و نەساخا ، ب پشتەڤانیا خودایێ مەزن ئەگەر ئەس ببم جهێ باوەریا خەلکێ خوە دێ بمە دەنگو رەنگێ وان لپەرلەمانێ کوردستانێ و پتری یا ڤێگاڤێ ئەم دکەین دێ خزمەتا خەلکێ خویێ خوشتڤی کەین لپەرلەمانێ کوردستانێ
ناڤهاتی گۆت ، پارتی دیموکراتی کوردستان خولڤی مللەتی دکەتە خودان و دێ هەوڵدەم هەمی ئەو خال و کارنامەیێن کۆ دبەرنامێ پارتیدانە کۆ پێ خزمەتا خەلکی بکەت، ئەس ل پەرلەمانی بکەمە خزمەتا گەلێخو و هەمیان جێبەجێ بکەین زێدەباری ڤێ چەندێ من دڤێت زێدەتر خو ل قوتابیان بکەمە خودان .
ناڤهاتی گۆتژی، ئەگەر ئەم سەحکەینە دروشمێ پارتی کو پێکدهێت ، ژ ئارامیێ و ئاڤەدانیێ و پێکڤەیێ و خوڕاگریێ ، مللەتێ کورد گەلەک پێتڤی ڤان هەرچار دروشمانە ، ئەگەر ئارامی نەبیت ژیانا خەلکی برێڤەناچیت و هەروەسا ئەگەر سەحکەینە ئاڤەدانیا زاخو دڤان سێ سالێت بوریدا چەند ئاڤەدانیەکا جوان و پێشکەفتن کەفتیە د زاخۆدا ، هەروەسا ئەم هەمی ئول و نەتەوە پێکڤە خو لئێکودو بکەینە خودان بۆ ئاڤەدانکرنا کوردستانێ و قوربانیدانا پێشمەرگەی و خەلکێ خوبەخش دبەروکێن شەریدا مەزنترین بەلگەیە بو خوڕاگریا گەلێ کوردستانێ .
بەربژێرێ پارتی زێدەتر ئاشکرادکەت ، کۆ پەرلەمانێ کوردستانێ ژ چۆاردە لژنا پێکدهێت ئەس خو ژهەژی سێ لژنا دبینم کو دبوارێ مندایە تێدا کاربکەم و خزمەتێ بکەم ژوانا لژنا پەروەردێ کۆ نێزی 12 سالانە د خوێندنا باڵادا کاردکەم و هەروەسا من حەز هەیە د لژنا ئەوقاف و کاروبارێت ئاینیدا کاربکەم و کۆ زێدەتری 25 ساڵانە خزمەتا مەزگەفتێ دکەم و هەروەسا دلژنا کاروبارێن کومەلایەتیدا کاربکەم .
د.عبدالقهار صبري بەربژێرێ هەژمارە 34 سەر ب لیستا 190 یا پارتی دبێژیت، ئەس دەنگێخو دگەهینمە هەر گەنجەکێ و هەر خورتەکێ کوردپەروەر و هانا وان دەم کۆ بچنە دەنگدانێ و بلا دەنگێ وان بەلاش نەچت و لیستا 190 یا پارتی ژبیرنەکەن داکۆ ئەڤ ئارامی و ئاڤەدانی و پێکڤەیی و خوراگڕیە بمینت.
