بەهۆی بەڕێوەچوونی هەڵبژاردنی پەرلەمانی كوردستان، وەزارەتی خوێندنی باڵا و توێژینەوەی زانستیی حكوومەتی هەرێمی كوردستان، چەند ڕۆژێك پشووی فەرمیی ڕاگەیاند.
ئەمڕۆ چوارشەممە 16/10/2024، وەزارەتی خوێندنی باڵا و توێژینەوەی زانستیی حكوومەتی هەرێمی كوردستان، ڕاگەیاندراوێكی بڵاو كردەوە، تێیدا هاتووە: “بەهۆى ئەنجامدانى پرۆسەى هەڵبژاردنەکانى پەرلەمانى کوردستان لە ڕۆژی 20/10/2024، لە ڕۆژی 19 تاوەكوو 21ی 10ی 2024 كە دەكاتە ڕۆژانی شەممە، یەكشەممە و دووشەممە، لە سەرجەم زانكۆ حكوومی و تایبەتەكان و دامەزراوەكانی سەر بە وەزارەتی خوێندنی باڵا، پشووی فەرمی دەبێت.”
ئەمە لە كاتێكدایە، لە قوتابخانە حكوومی و ناحكوومی و نێودەوڵەتییەكان، لە ڕۆژی سێشەممە 15/10/2024، تا ڕۆژی 21/10/2024، پشووی فەرمییە.