گرووپە چەکدارە شیعەکانی عێراق کە لەلایەن ئێرانەوە پاڵپشتیی دەکرێن و خۆیان بە “بەرەی موقاوەمەی ئیسلامی” دەناسێنن، ڕایانگەیاند کە ھێرشیان کردووەتە باکووری ئیسرائیل.
بەرەی مقاوەمەی ئیسلامی لە عێراق لە ڕاگەیاندراوێکدا ئاماژەی بەوەداوە کە ئەمڕۆ سێشەممە، چەکدارەکانیان بە ئاراستەکردنی فڕۆکەی بێفڕۆکەوان ھێرشیان کردووەتەوە سەر ئامانجێکی گرنگ لە باکووری ئیسرائیل.
ڕاشیگەیاندووە کە ھێرشەکەیان لە وەڵامی ئەو کۆمەڵکوژییانە ئەنجامداوە کە ئیسرائیل بەرامبەر خەڵکی مەدەنی لە غەززە و لوبنان، ئەنجامیان دەدات.
ھۆشداری ئەوەشی داوە کە ھێرشی زیاتر بۆ سەر ئامانجەکانی دوژمن ئەنجام دەدەن.