ئەمڕۆ چوارشەممە، ئەنجوومەنی پاریزگای بەغدا ڕایگەیاند، لە 75%ـی خاوەن مۆلیدە ئەهلییەکان پاباند نین بەو نرخەی کە حکوومەت دیاری دەکات، بەڵکو 25% یان پابەندن بە نرخی حکوومەت.
سەفا مەشهەدانی، سەرۆکی لیژنەی نەوت گاز لە ئەنجوومەنی پارێزگای بەغدا ڕایگەیاند، “کۆبوونەوەیەک لەلایەن لیژنەکەوە لەگەڵ سەندیکای مۆلیدەکان کرا و ژمارەیەک نوێنەری مۆلیدەکان تێیدا بەشداربوون، چەند میکانیزمێک بۆ کارکردنیان دانرا، هەروەها هەڵمەتێک بۆ بەدواداچوون و پابەندبوون بەو نرخە فەرمیانەی کە ئەنجوومەن بۆ مانگی ئۆکتۆبەری ئەمساڵ دیاریکردووە کرا”.
ئاماژەی بەوەش دا، “ڕێککەوتن کراوە کە ئەوکەسانەی گاز وەردەگرن و پاباندی نرخی دیاریکراو نابن کە لەلایەن ئەنجوومەنەوە دیاریکراوە، بە پێنج ملیۆن دینار سزا دەدرێن، هەروەها ئەوانەی کە گازیش وەرناگرن، لەئەگەری پابەند نەبوونیان بە نرخی ئەمپێر کارەبای مۆلیدە کە لەلایەن ئەنجوومەنەوە بۆیان دیاری دەکرێت، بڕی دوو ملیۆن دینار سزا دەدرێن”.