وەزارەتی دارایی و ئابووریی هەرێمی كوردستان، ڕایگەیاند: لیستی مووچەی مانگی تشرینی یەکەم ڕادەستی وەزارەتی دارایی عێراق کرا.
ئەمڕۆ یەكشەممە 3/11/2024، وەزارەتی دارایی و ئابووریی هەرێمی كوردستان، لە ڕاگەیاندراوێكدا ئاشكرای كرد: ئەمڕۆ لیستی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان لەلایەن نوێنەری وەزارەتی دارایی و ئابووریی هەرێمی کوردستانەوە ڕادەستی بەڕێوبەرایەتیی گشتیی ژمێریاری لە وەزارەتی دارایی حکوومەتی فیدراڵ کرا.