جۆ بایدن لە لێدوانێکی رۆژنامەوانییدا لە بارەی ڕاگەیاندنی ئاگربەست لە کەرتی غەززە، گوتی: “لەئێستادا، کارەکە بە دەستی حەماسە، ئیسرائیلەکان ھاوکارن، پێشنیازێکی گونجاو لەبارەیەوە پێشکەش کراوە و دەبینین لە ماوەی چەند ڕۆژێکدا چی ڕوودەدات“.
گوتیشی: “ڕاگەیاندنی ئاگربەست لە کەرتی غەززە، لەسەر ھەڵوێستی حەماس وەستاوە“.
سەرۆکی ئەمریکا لەبارەی ئەگەری ڕاگەیاندنی ئاگربەست لە غەززە، بەرلە ھاتنی مانگی ڕەمەزان، گوتی: “پێویستە بەر لە ھاتنی مانگی ڕەمەزان، ئاگربەست لە غەززە ڕابگەیەندرێت، ئەگەر شەڕەکە تا مانگی ڕەمەزان بەردەوام بێت، ئەوە کارەکە زۆر مەترسیدارتر بێت و لەبەر ئەوە بە جیددی ھەوڵدەدەین، ئاگربەست لە غەززە، بەرلە ھاتنی مانگی ڕەمەزان ڕابگەیەندرێت“.
گوتیشی: “بە جیددی کار دەکەین، بۆ ئەوەی یارمەتی مرۆیی زیاتر بگەیەندرێتە کەرتی غەززە، چونکە فەڵەستینییەکان لە غەززە ڕووبەڕووی مەترسی برسێتی بوونەتەوە“.
AA