لە درێژەی یارییەکانی ئەمشەوی نەیشینزلیگ و لە گرۆپی یەکەمدا، هەردوو هەڵبژاردەی بەلجیکا و ئیتاڵیا ڕووبەڕووی یەکتر بوونەوە.
لە ئەنجامدا هەڵبژاردەی ئیتاڵیا توانی بە گۆڵێکی بێبەرامبەر یارییەکە لە بەلجیکا بباتەوە.
لە تایمی یەکەمدا و لە خولەکی 11دا ئیتاڵیا توانی تاکە گۆڵی یارییەکە لە ڕێگەی یاریزان ساندرۆ تۆنالی تۆمارکرد،
لە دووەم تایمدا هەردوو هەڵبژاردە چەندین هەوڵیاندا بۆ هەژاندی تۆڕی گۆڵی یەکتر، بەڵام هیچکامیان سەرکەوتوونەبوون و یارییەکە بەو تاکە گۆڵە کۆتاییهات.
لە یاریێکی تری هەمان کۆمەڵەدا، هەڵبژاردەی فەرەنسا میوانداری هەڵبژاردەی ئیسرائیلی کرد،
لە ئەنجامدا یارییەکەش بە یەکسانی و بەبێ تۆمارکردنی هیچ گۆڵێک کۆتاییهات.
بەم ئەنجامە، هەڵبژاردەی ئیتاڵیا لە پێشەنگی گرۆپەکەیەتی بە کۆکردنەوەی 13 خاڵ، فەرەنساش 10 خاڵی هەیە و لە پلەی دووەمدایە.