لە درێژەی یارییەکانی ئەمشەوی چامپیۆنزلیگ و لە یاری لوتکەدا، بایرن میونشنی ئەڵمانی میوانداری پاریس سانجێرمانی کرد.
لە ئەنجامدا یارییەکە بە گۆڵێکی بێبەرامبەر لە سوودی بایرن میونشن دژی پاریس سانجێرمان کۆتاییهات.
لە تایمی یەکەمدا هەردوو یانە دەستیانکرد بە هەوڵەکانیان بۆ هەژاندی تۆڕی گۆڵی یەکتر، کۆنتڕۆڵی تۆپ زیاتر لای بایرنی خاوەن یاریگا بوو لە ئەنجامی هێرشێکدا کیم مین لە خولەکی 38 تۆڕی گۆڵی پاریسی هەژاند.
لە تایمی دووەم و لە خولەکی 56دا ناوبژیوان کارتی سووری دایە عوسمان دێمبلێ و کردیە دەرەوەی یاریگا، لەو تایمەدا یانەکان بەردەوامبوون لە هێرشەکانیان بۆ سەر گۆڵی یەکتر، بەڵام ئەو تایمە بەبێ هیچ گۆڵێک تەواوبوو.
لە یاریێکی تریشدا یانەی هەردوو یانەی ئینتەر میلان و لایپزیگ ڕووبەڕووی یەکتر بوونەوە، لە کۆتاییدا یارییەکە بە ئەنجامی گۆڵێکی بێبەرامبەر لە سوودی ئینتەر دژی یانە ئەڵمانیەکە کۆتاییهات.
بەم سەرکەوتنە، ئینتەر میلان لە پێشەنگی ڕیزبەندیە بە کۆکردنەوەی 13 خاڵ، بایرن میونشن بووە خاوەن 9 خاڵ و لە پلەی 11 دایە.