لە یارییەکانی هەفتەی 15ی خولی ئیتاڵیا، یانەی ڕۆما لە یاریگای خۆی ڕووبەڕووی لیچی بویەوە.
لە ئەنجامدا گۆرگەکانی کلاودیۆ ڕانێنری توانیان یارییەکە بە چوار گۆڵ بەرامبەر بە گۆڵێک یارییەکە ببەنەوە.
لە گێمی یەکەمدا و لە خولەکی 13دا ڕۆمای خاوەن یاریگا گۆڵێکی لەڕێگەی ئەلێکسیس سالیمایکیرس تۆمارکرد، دوای ئەوەش هەردوولا بەردەوامبوون لە هەوڵەکانیان و لە هێرشێکدا ناوبژیوان لێدانێکی سزای بۆ لیچی هەژمارکرد و نیکۆلا کریستۆڤیچ ئەنجامەکەی هێنایەوە خاڵی دەستپێک و گۆڵی بەرامبەری تۆمارکرد.
لە تایمی دووەم هەردوو لا چەند گۆڕانکاریێک ئەنجامدا، خاوەن یاریگا باشتر دەرکەوت و توانی دوو گۆڵی تر لە خولەکەکانی 59 و 66 لەڕێگەی یاریزانان مانشینی و نیکۆلۆ پیسیلی تۆمارکرد، لە خولەکی 86یش مانۆ کونێ گۆڵی چوارەمی بەناوی خۆی نووسیەوە و یارییەکەش بەو شێوەیە کۆتاییهات.
بەم سەرکەوتنە، یانەی ڕۆما چووە پلەی دەیەمی ڕیزبەندی و خاوەن 16 خاڵە، لیچیش بە 13 خاڵ لە پلەی 16 دایە.